هەواڵ و چالاکی

بەشداریکردنی تیمی پێشانگا لە مەراسمی پێشکەش کردنی خەڵاتی زێڕینی ڕێزلێنانی ژورە بازرگانیەکانی عێراق

ئەمڕۆ بەڕێوەبەری پێشانگای نێودەوڵەتی سلێمانی بەڕێز (حسن رحیم احمد) بە یاوەری شەوقی عمر جێگری بەڕێوەبەری پێشانگا و تیمی پێشانگا ئامادەبون لە مەراسمی پێشکەش کردنی خەڵاتی زێڕینی ڕێزلێنانی ژورە بازرگانیەکانی عێراق لە لایەن سەرۆکی یەکێتی ژورەبازرگانیەکانی عێراق بەڕێز (عبدالرزاق الزهيري )بە بەڕێز سیروان محمد سەرۆکی ژوری بازرگانی و پیشەسازی سلێمانی وەک چالاکترین ژوری بازرگانی عێراق بۆ ساڵی 2022 . هەر بەو بۆنەوە پیرۆزباییان کرد لە سەرۆک و ئەندامانی ژوری بازرگانی وبە دەسکەوتێکی گەورەیان زانی بۆ شاری سلێمانی خۆشەویست .
شایانی باسە ڕێپۆرتاژێکی ڤیدیۆیی چالاکیەکانی پێشانگا و برۆشەری سێیەمین خولی پێشانگای کشتوکاڵی سلێمانیSuly Agro Food پێشکەش بە ئامادەبوان کراو لەڕێی ئەوانیشەوە کۆمپانیاکانی بواری کشتوکاڵ و خۆراکی هەمو پارێزگاکانی عێراق بانگهێشت کران بۆ بەشداریکردن لەو پێشانگایەدا کە بڕیارە لە ٧تا ١٠ ی مانگی ٩ ی ٢٠٢٢ لە پێشانگای نێودەوڵەتی سلێمانی لە لایەن کۆمپانیای (اطلس الاصيل)و بە چاودێری وەزارەتی کشتوکاڵ و سەرچاوەکانی ئاوی حکومەتی هەرێمی کوردستان و بە هاوکاری ژوری بازرگانی و پیشەسازی سلێمانی بەڕێوە بچێت .